“ACT Azərbaycan” 11-14 sentyabr tarixlərində Bakı şəhərində apardığı sorğu nəticələrini təqdim edir.
Sorğuda iştirak etmiş respondentlərin 47%-i son bir ildə bədii ədəbiyyat oxumadığını bildirib. Rəyi soruşulanların 15 %-i bədii əsərləri ayda bir dəfə, 13%-i isə ildə bir dəfə oxuduqlarını bildiriblər.
63 % respondent son bir ildə qeyri ədəbiyyat oxumadığını bildirib. Hər gün mütaliə edənlər isə 14 % təşkil edir.
17 % respondent hər gün dini mövzularda kitablar oxuyur. 57% respondent isə son bir ildə ümumiyyətlə dini ədəbiyyatla maraqlanmayıb.
Sorğuda iştirak etmiş respondentlərin 31%-i detektiv janrda yazılan kitabları oxumağa üstünlük verir. Rəyi soruşulanların 24%-i məhəbbət, 22%-i isə tarixi romanları seçdiklərini bildiriblər.
Gənc (18-34 yaş aralığı) və ahıl (55 yaş və daha yüksək) nəslin nümayəndələri detektiv janrında yazılmış əsərləri daha çox bəyənir (müvafiq olaraq 35% və 30%). Orta nəslin nümayəndələri üçün (35-54 yaş aralığı) tarixi romanlar daha cəlbedicidir.
Son bir ildə mütaliə edənlərin 55%-i azərbaycan ədəbiyyatını, 24%-i azərbaycan dilinə tərcümə olunmuş xarici ədəbiyyatı, 18%-i isə rus dilinə tərcümə olunmuş ədəbiyyatı oxuduqlarını bildiriblər. Əsərləri orijinal dildən mütaliə edənlərin faizi 21-ə bərabərdir.
Xarici ədəbiyyat sevənlər rus (63%), ingilis (23%), türk (7%), ərəb (5%) və ispan (1%) müəlliflərinin əsərlərini oxumağa üstünlük verirlər.
Əcnəbi əsərlərin azərbaycan dilinə tərcüməsindən razı qalanlar sorğuda 31% səs toplayıb. Narazılar isə 16%-ə bərabərdir.
Əsərləri elektron formatda oxuyanlar sorğuda 36% nəticə göstərib. Bu göstəricinin 51%-ni 18-34 yaş aralığında olan oxucular təşkil edib. Mütaliənin ənənəvi formasına – kitablara sadiq qalanlar isə 83% təşkil edib.
Sorğu 11-14 sentyabr tarixləri arasında Bakı şəhərində 400 respondent arasında telefon vasitəsilə həyata keçirilib.
Mənbə: “ACT Azərbaycan”
Qeyd: İstifadə edilmiş şəkil “ACT Azərbaycan” səhifəsindən götürülüb.
Tövsiyə olunan digər yazılar:
- e-KİTABXANA (100-dən çox e-kitab)
- Öz işini qurmaq istəyənlərin baxmalı olduğu 118 film və 15 TED.com çıxışı
- İş axtaranların CV hazırlayarkən diqqət etməli olduğu 12 məqam
- Azərbaycanda iş axtaranlar ən çox bunlardan narazıdır
- İnsan Resursları (HR) üzrə magistratura üçün dünyanın ən yaxşı universitetləri
- John C. Maxwell “İnkar edilməz 21 Liderlik Qanunu” (kitab xülasəsi, ilk 10 qanun)
- İnsan Resurslarının 3 ənənəvi və 3 müasir rolu
Təşəkkür edirəm statistika üçün 🙂
Bəyəntərəfindən bəyənildi 1 şəxs
Mən təşəkkür edirəm dəyər verdiyiniz üçün. ACT Azerbaijana bunun üçün xüsusi təşəkkür düşür.
BəyənBəyən
Azərbaycanda kitab oxunma nisbəti çox zəifdir. Ən güclü kitablar belə 1 ildə 500 civarında satılır.
Bəyəntərəfindən bəyənildi 1 şəxs
Dəyərli fikirləriniz üçün çox sağ olun, Vüsal bəy. Bir yazar olaraq şikayətçi olmağınız da problemin önəmini göstərir, təəssüf ki. Ümid edək ki, zamanla bu rəqəmlər artar. 🙂
BəyənBəyən